2017-02-22

Аартыктаах айан суола Өлөөҥҥө ыҥырда

Просмотров: 1349

140f0bfb-fe3c-48ba-b199-160e011f48f9

 

Өксөкүлээх Өлөксөй аатынан «Симэх» норуот ускуустубатын исписэлиистэрэ ыраах хоту улууһун Өлөөнүгэр аартыктарын суола арыллан айар талааннаахтар экспедицияларыгар баран кэлбиттэрин туһунан уус – уран оҥоһуктарга үлэлиир маастар Азиянна Филипповна Харлампьева маннык кэпсиир:

 

— Маастардар оскуолаларын түргэн сырыылаах «Ис сүрэхтэн тахсар иэйии» бырайыак чэрчитинэн аан бастаан Өлөөҥҥө үлэлээн кэллибит. Варвара Тихоновна Васильева Саха Өрөспүүбүлүкэтин норуотун маастара туос ис кистэлэҥин, туостан өбүгэлэрбит хайдах иһит – хомуос тигэллэрин көрдөрдө, сиэргэ – туомҥа хайдах туттулларын туһунан дириҥ ис хоһооннохтук ырытта уонна киһи бэйэтин ис туругун, сахалыы хайдах эмтэниэхтээҕин туһунан кэпсээтэ. Сиэр – туом саламата  хаһан, ханна хайдах туттулларын, оҥоһулларын ырытта. Варвара Тихоновнаҕа 11 дьарыктанна.

 

194240b3-84f3-40e3-871c-cd07cb9c9080

 

Петров Николай Васильевич муус оҥоһуктарга тохтоото. Сонно тута мууһунан хоту сир маанылаах кыылын табаны, табаһыты мууһунан оҥоттордо.Туох баар ис кистэлэҥин арыйан туран быһах, хомус хайдах оҥоһулларын кэпсээтэ. Киниэхэ 14 киһи сырытта, 3 пенсионер, 4 үлэтэ суох киһи, 7 үлэлээх киһи дьарыктанна.

 

9663c2e0-d6e1-4ddc-8630-a3792f2d8f66

 

Колодезников Дмитрий Николаевичка 23 киһи кэлэ – бара дьарыктаннылар, утумнаахтык 16 киһи дьарыктанна, ол иһигэр 12 эр киһи, 4 дьахтар.Дмитрий Колодезников дэйбиир уонна туойунан сувенир оҥорорго үөрэттэ.Дьарыктаабыт дьонугар муоһунан кытыйа оҥоттордо, ыалдьытымсах хоту дьоно балыктарын кыһан  күндүлүүллэригэр анаммыт кытыйа бэрткэ табылынна.

 

1789859c-8474-40f0-8a96-7d051ea5d4eb

 

Гуляева Дария Васильевна ыйыытынан олохтоох иистэнньэҥнэр халадаай ырбаахыны бэйэ нэмиэтинэн устан ыллылар. Суоттаан таһааран баран халадаай ырбаахыны тута тиктилэр. 31 киһиттэн. 8 киһи утумнаахтык дьарыктанна.Таҥаһы өҥүнэн дьүөрэлээн туттуу туһунан санаатын атастаста.

 

b4dc85a5-a403-4c99-a16a-b4e527499e3a

 

Азиянна Филипповна Харлампьева дьарыгар 32 киһи сылдьыбытыттан 20 киһи утумнаахтык дьарыктанна. Кырадаһын сыыһынан 3 паннону оҥордулар. Сонно тутатына икки бөлөх тэриллэн үлэлээтэ. Салгыы утумнаахтык үлэллииргэ «Уһуктуу» уонна «Оленек уоттара» — диэн холбоһуктар тэриллэн үлэлэрин хотугулуу оһуорга – мандарга тигиэх буолан хааллылар. Винокурова Марианна Егоровна туспа анал үлэни оҥордо. Бу үлэлэринэн норуот маастардарын күнүгэр кыттыыны ылыахтара.

 

bda78129-98fc-41cd-9dca-d7b8fe85392d

 

Саха орнаменнарыгар, саха киэргэлин симэҕэр төгүрүк остуол буолла. Оҕуруонан тигиигэ икки көрүҥүн үөрэттилэр, 5 утаҕынан кылынан баайарга үөрэннилэр. Таҥас сыыһынан кыбытан тигиигэ 3Д ньыматын кистэлэҥин билэн тиктилэр.  Уопсайа 122 киһи дьарыкка сырытта, ол иһигэр 26 эр хоһууннара кытыннылар.

 

cc3c9c71-43d4-4467-a7dd-6dcabf708b47

 

Улуус аҕа баһылыга Иванов Александр Степанович аартыктаах айан суолун тутуһан кэлбит норуот талааннахтарбытын кытта көрсөн кэпсэтэн баран, бу күннэргэ утумнаахтык дьарыктаммыт дьоннорун кытта кэпсэтиэхтээх, санааларын истиэхтээх. Туттар матырыйаалларынан төһө кыалларынан көмөлөһүөх буолан эрэннэрдэ.

 

Хас да күнү быһа биһигини арыаллаабыт дьоммутугар улуус аҕа баһылыгар Иванов Александр Степановичка,  култуура управлениятын салайааччытыгар Николаева Надежда Прокопьевнаҕа, «Оленек» гостиница салайаачытыгар Алиев Алисафа Талдыг – Оглы, телевидения, сыыдам сырыылаах суоппардарбытыгар Николаев Алексей Афанасьевичка, Раисаҕа уонна итии аһылыгынан хааччыйбыт тэрилтэ үлэһиттэригэр, Өлөөн дьонугар – сэргэтигэр  махталбыт муҥура суох – диир Азиянна Харлампьева.

 

Сыралыма

Поделиться

Переход на предыдущую и следующую статью