2017-11-27

«Олоҥхону оскуолаҕа үөрэтии»

Просмотров: 114

 

Өксөкүлээх Өлөксөй аатынан норуоттар доҕордоһууларын дьиэтэ Саха Өрөспүүбүлүкэтин норуоттарын култуурунай нэһилиэстибэлэрин Киинэ «Олоҥхону осколаҕа үөрэтии» уһуйааччыга аналлаах ыйынньык таһаарда.

 

Ыйынньык сыала – соруга учуутал уонна уһуйааччы хардарыта ситимнээхтик үлэлииллэригэр туһаайыллар. Бу ыйынньыкка уопсай үөрэхтээһин тэрилтэтин бырагырааматынан үөрэтиллэр, бэйэ ааҕыытыгар киирбит олоҥхолор библиографиялара бэрилиннэ.Маастар – педагог онно олоҕуран, ханнык олоҥхо хаһыс кылааска барылларын билсэн, үөрэтэн, оҕону олоҥхону толорууга уһуйарыгар туһаныа. Учуутал уруокка, уруогу таһынан дьарыгар үөрэнээччилэргэ олоҥхону биир саастыылаахтарга толоруутун тэрийэн, олоҥхону истэн ылыныы үөрүйэҕин иҥэриэ. «Олоҥхо тыла» үөрэх электроннай босуобуйата үөрэнээччи олоҥхону истэн, ааҕан, оонньоон, ойууну – бичиги көрөн, эрчиллии, сорудах толорон, олоҥхо тылын иҥэринэригэр көмөлөһөр аналлаах. Маны таһынан эбии көмө быһыытынан 2006 сылтан өрөспүүбүлүкэҕэ ыытыллар Олоҥхо Ыһыахтарын анал таһаарыыларыттан испииһэк, «Саха боотурдара»,  «Памятники фольклора народов Сибири и Дальнего Востока» серияларынан тахсыбыт олоҥхолору билиһиннэрии киирдэ.

 

Онон учуутал уонна уһуйааччы бииргэ үлэлээһиннэрэ улууканнаах айымньыбытыгар этиллэр норуот сырдык, көҥүл, эйэлээх олоххо тардыһар баҕатын тиэрдиигэ үлэлэрэ түмүктээх буоларыгар эрэнэбит. Бэчээккэ бэлэмнээн таһаарда Өксөкүлээх Өлөксөй аатынан норуоттар доҕордоһууларын дьиэтин иһинэн тэриллибит Саха Өрөспүүбүлүкэтин норуоттарын култуурунай нэһилиэстибэлэрин Киинин исписэлииһэ Ульяна Флегонтова.

Поделиться

Переход на предыдущую и следующую статью