2017-12-28

ВИДЕО — Елена Протодьяконова Алдаҥҥа ыытыллар Олоҥхо ыһыаҕын уратыларын туһунан

Просмотров: 232

 

Кэнники сылларга Олоҥхо декадатын кэмигэр, Олоҥхо ыһыаҕа ыытыллар улууһугар научнай-практическай кэмпириэнсийэ тэриллэрэ үтүө үгэскэ кубулуйда.

 

Быйыл, билэргит курдук, Олоҥхо ыһыаҕа-2018 Алдаҥҥа ыытыллыаҕа. Манна даҕатан эттэххэ, бу – Мииринэй кэнниттэн промышленнай улууска ыытыллар иккис Олоҥхо ыһыаҕа буолуоҕа.

 

Дьэ, Алдаҥҥа Олоҥхо ыһыаҕа туох уратылардаах, дьиктилэрдээх  буолуоҕун өйдөөн көрүөхпүтүй-истиэхпитий? Улуус бу улахан, дириҥ суолталаах өрөспүүбүлүкэтээҕи тэрээһиҥҥэ хайдах бэлэмнэнэ сылдьарый? Кэмпириэнсийэ тугу көрдөрдө?

 

Бу уонна Олоҥхо быйылгы декадатын түмүктэрин, эдэр олоҥхоһуттары уһуйааччылар кыһамньылаах үлэлэрин, инники былааннарын туһунан  “Акцент” биэриигэ өрөспүүбүлүкэтээҕи “Олоҥхо ассоциацията” уопсастыбаннай тэрилтэ I вице-бэрэсидьиэнэ Елена Протодьяконова кэпсиирин билсиэҕиҥ.

 

 

Татьяна МАРКОВА.

Хаартыскаҕа: Олоҥхо тыйаатырын артыыстара.

Поделиться

Переход на предыдущую и следующую статью