2018-01-31

Төрөөбүт тыл, сурук-бичик күнүгэр аналлаах Дьоро күн

Просмотров: 3199

 

Өксөкүлээх Өлөксөй аатынан норуоттар доҕордоһууларын Дьиэтэ, Саха Өрөспүүбүлүкэтин норуоттарын култуурунай нэһилиэстибэлэрин Киинэ, Өрөспүүбүлүкэтээҕи норуот айымньытын Дьиэтэ, Өрөспүүбүлүкэтээҕи Олоҥхо Ассоциацията уонна «Ийэ тыл» көҥүл түмсүү көҕүлээһиннэринэн олунньу 13 күнүгэр төрөөбүт тыл, сурук-бичик күнүгэр аналлаах Дьоро күн ыытыллар.

 

Программаҕа: Арчылааһын туома. Оһуохай. Кинигэ быыстапката. Атыы-тутуу. Төгүрүк остуол. Олоҥхону толоруу. Кучу чэйинэн күндүлээһин.

 

Дьоро күн үөрүүлээх аһыллыыта үс түһүмэҕинэн ыытыллар:

 

I түһүмэх. Уруй — уран тыл уустарыгар!

Сахаттан бастакы тыл үөрэхтээҕэ учуонай, политическай деятель П.А. Ойуунускай, талааннаах суруйааччы В.С. Яковлев-Далан уонна биллиилээх топонимист М.С. Иванов-Багдарыын Сүлбэ үбүлүөйдээх сылларыгар ананар.

 

II түһүмэх. Сахалыы үөрэҕи өрө тутан!

Үс саха үтүөлэрин — кэнчээри ыччаппытын уһуйар-такайар идэлээх иитэр-үөрэтэр дьоммут, эдэр суруйааччылар түмсүүлэрин чаҕылхай бэйиэттэрэ кытталлар.

 

III түһүмэх. Норуот сомоҕо санаата!

Тумус туттар дьоммут, уопсастыбаннай түмсүүлэр түһүлгэлэрэ.

 

Кыттыыны ылаллар: П.А. Ойуунускай аат. Саха академическай театрын артыыстара, Култуура уонна искусство колледжын студеннара, «Эрэл» үҥкүү театра, «Сандал» үҥкүү ансаамбыла, 14 №-х оскуола үөрэнээччилэрэ, уһуйаан иитиллээччилэрэ, Эстрада театрын ырыаһыттара, республикаҕа биллэр эр дьон вокальнай ансаамбыллара уо.д.а.

 

Буолар сирэ: Өксөкүлээх Өлөксөй аатынан норуоттар доҕордоһууларын Дьиэтигэр.

 

Дьоро күн үөрүүлээх аһыллыыта 18.00 чаастан.

Кэлиҥ, санааҕытын холбооҥ, дуоһуйа сынньаныҥ!

 

Тэрийэр бөлөх.

Поделиться

Переход на предыдущую и следующую статью