2018-02-27

Ыллаа-туой, тыам сирэ! Ааспыт кэм ахтылҕанын санатар ырыа, тойук киэһэтигэр ыҥырабыт

Просмотров: 2537

 

 

Өксөкүлээх Өлөксөй аатынан  норуоттар доҕордоһууларын дьиэтигэр, кулун тутар  18 күнүгэр,  киэһэ 17 чаастан  «ЫЛЛАА-ТУОЙ, ТЫАМ СИРЭ!», ааспыт кэм ахтылҕанын санатар ырыа, тойук киэһэтигэр ыҥырабыт.

 

Истиҥ эйэҕэс, күндүттэн күндү көрөөччүлэрбитигэр эһиэхэ эрэ анаан көр-күлүү бастыҥын, ырыа эриэккэһин, үҥкүү үлүскэннээҕин  аныыллар хаһан да, ханна да көстүбэтэх тапталлаах тыабыт  сирин талба – мааны талааннаахтара: «Осиктакан» ырыа – үҥкүү народнай ансаамбыла, Аяралдын вокальнай ансамбль (Жиганскай улууһа), Мэҥэ Хаҥалас улууһун оройуоннааҕы балыыһа айар кэлэктииптэрэ.

 

Биһиги олохпутугар сырдыгы, кэрэни, ырааһы түстүүллэр тыа сирин култууратын чэчирии сайыннарар ырыаһыт ымыыта, үҥкүүһүт үтүөтэ, хоһоонньут хоһууна, тойуктаах туйгуна, артыыс ааттааҕа, талааннаах талбата  Биир оннук кэлэктиип Мэҥэ Хаҥалас улууһугар оройуоннааҕы балыыһа кэлэктиибэ буолар. Республикаҕа бу соҕотох айар талааннаах кэликтиип диэтэхпитинэ омуна суох. Дьэ, онон күндү көрөөччүлэр кэлэн илэ хараххытынан көрөн ахтылҕаҥҥытын таһааран дойдугут мүөттээх салгынын иҥэринин, күүстэ–уохта ылыныҥ!

 

 

Поделиться

Переход на предыдущую и следующую статью