2018-11-09

П. А. Ойуунускай төрөөбүтэ 125 үбүлүөйдээх сылыгар анаммыт солист Дмитрий Тихонов концера

Просмотров: 680

 

Сэтинньи 8 күнүгэр Өксөкүлээх Өлөксөй аатынан норуоттар доҕордоһууларын дьиэтигэр Саха советскай литературатын тѳрүттээбит, саха талааннаах прозаига, поэта, драматура, биллиилээх общественнай деятелэ П.А. Ойуунускай тѳрѳѳбүтэ 125 үбүлүөйдээх сылыгар анаммыт, СӨ культуратын үтүөлээх үлэһитэ, «Бочуот знага» орден кавалера, Мэнэ Ханалас улууһун, Майа сэлиэнньэтин, Хорообут нэһилиэгин Бочуоттаах олохтооҕо, СӨ бастакы президенэ Михаил Ефимович Николаев «Республика албан аатыгар уонна туһатыгар» фондатын лауреата Дмитрий Тихонов сольнай концера буолан ааста.

 

 

Кыттыыны ыллылар:  Кыыл Уолун аатынан Үҥкүү театрын национальнай оркестра, салайааччы Саха Республикатын искусствотын үтүөлээх деятелэ Николай Петров,        «Кыталык» үҥкүү народнай, Арассыыйа үтүөлээх ансаамбыла салайааччы Саха Республикатын культуратын үтүөлээх үлэһитэ Василий Винокуров, балетмейстер Алена Давыдова, Саха Республикатын культуратын туйгуннара Елена Старостина-Хотун Арылы уонна Валериан Емельянов.

 

 

Концерт бастакы чааһа – Платон Ойуунускай тылларыгар, композитор Аркадий Самойлов матыыбыгар «Мин аатым ааттаныа…» вокальнай поэма-кантататынан саҕаланна. Концерт сценарийын автора Дмитрий Тихонов бэйэтэ. Бу киэһэни иилээн-саҕалаан ыыттылар Өксөкүлээх Өлөксөй аатынан норуоттар доҕордоһууларын дьиэтин национальнай сыһыан эйгэтин ресурснай үөрэтэр-методологическай киинин библиотекатын үлэһиттэрэ Айна Павлова., Ираида Коркина, режиссер Саргылана Адамова – Алтан кыыс.

 

 

Концерт иккис чааһыгар Таатта биллиилээх суруйааччыларын ырыалара ылланнылар.

 

 

Түмүккэ «Кыайыыга сирдээбит ырыалар» программаттан Николай Урсун тылларыгар, Аркадий Самойлов музыкатыгар «Кыайыы сэргэтэ» Баллада ылланна, баяҥҥа доҕуһуоллаата Саха Республикатын культуратын туйгуна, Марк Николаевич Жирков аатынан Дьокуускайдааҕы Музыкальнай колледж баяҥҥа уһуйааччыта, 1967 сыллаах Бүтүн Араасыыйатааҕы Иркутскай куоракка баянистар конкурстарын лауерата  Валериан Емельянов.

 

 

«Талааннаах Таатта дьонугар анаммыт эһиэхэ көрөөччүлэрбэр бары үтүөнү, дьолу-соргуну, ситиһиини баҕарабын!» — диэн туран «Сайсаар» уокуругун ветераннарын советын «Көмүс куолас» номинана өр сылларга Мэҥэ Хаҥалас уллууһун култуураҕа салаатын сэбиэдиссэйинэн, театрга профессиональнай хорга  үлэлээбит Дмитрий Тихонов айар киэһэтин түмүктээтэ.

 

Өксөкүлээх Өлөксөй аатынан норуоттар доҕордоһууларын дьиэтин пресс — сулууспата

Поделиться

Переход на предыдущую и следующую статью