2018-11-19

Дойдум ахтылҕана – үбүлүөйүнэн эҕэрдэ

Просмотров: 918

 

Бу күннэргэ Туймаадабыт киэҥ хочотугар «Тойук» норуодунай кэлэктиип талба – мааны талааннаахтарын, Далбар хотуттарын үбүлүөйдээх дьоро күннэринэн эҕэрдэлээтилэр.

 

 

Ол курдук, Матвеева Мария Егоровна – 75 сааһын, Большакова Альбина Алексеевна – 70 сааһын, Дегтярева Клара Николаевна – 65 сааһын, Степанова Надежда Николаевна 65 сааһын, Соколова Валентина Николаевна 60 сааһын бииргэ үлэлиир коллегалара, общественность, хаан – уруу аймахтара, оҕолоро ис дууһаларыттан алгыс бастыҥын, ырыа – тойук үтүөтүн анаатылар.

 

 

«Тойук» норуодунай түмсүү салайааччыта, саха Өрөспүүбүлүкэтин үтүөлээх үлэһитэ Галина Гаврильевна Н.Босиков тылларыгар, Аркадий Алексеев мелодиятыгар «Докуускайым» уонна Полина Иванова «Күөрэгэй» ырыатын толорбутун көрөөччү дохсун ытыс тыаһынан доҕуһуоллаата.

 

 

Хас биирдии үбүлүөйдээх талааннаах Далбар хотуттарбыт бииртэн биир чаҕылхай концертнай нүөмэрдэри толордулар, талааннара арыллан төһө баҕарар ыллыах – туойуох курдуктар. Концеры салайан ыытта Иустинья Варламова.

Поделиться

Переход на предыдущую и следующую статью