2018-12-01

Сомоҕолоһуу, доҕордоһуу күнэ ыытылынна

Просмотров: 810

 

Сэтинньи аан даам кыһыҥҥы ыйын түмүгэр, 30 чыыһылатыгар Өксөкүлээх Өлөксөй аатынан Норуоттар Доҕордоһууларын дьиэтин ресурснай методологическай киинэ салгыы сырдатыы уруогун П.Н., Н.Е. Самсоновтар аатынан Хатас орто оскуолатын 8 кылаастарыгар ыытта. Сүрэҕи уһугуннаран, биир тэтиминэн Россия, Саха республикатын гимыттан саҕалаан РФ Конституциятын, сүрүн тутулун, сокуонун туһунан үөрэнээччилэри кытта кэпсэтии сэргэхтик ааста.

 

Ону таһынан элбэх омук сомоҕолоһон олорор киэн дойдута буоларбыт быһыытынан, кинилэргэ эйэлээх догордоһуу сыһыан баар буолуохтааҕа сырдатылынна, ол курдук араас омук туспа культуратыгар, итэҕэлигэр ытыктабыллаахтык хас биирдии киһи өйдүөхтээҕэ кэпсэннэ. Оҕолор билиилэрэ — көрһүүлэрэ киэҥ буолан уруок бэрт сэргэхтик ааста. Ханнык баҕар уопсастыбаннай сиргэ тус туспа эппиэтинэстээх, эбээһинэстээх буолалларын туһунан бэрткэ билэллэр эбит диэн түмүккэ кэллибит.

 

 

Түмүгэр, оскуола салайааччытыгар уонна иитии чааһын салайааччытыгар сертификат, махтал сурук туттаран, үөрүүлэрэ үрдээн, өссө да маннык интэриэһинэй бэсиэдэлээх кэлэрбитигэр ынырдылар.

 

Айна Павлова,

методист РОМЦ ДДН им. А.Е. Кулаковского

Поделиться

Переход на предыдущую и следующую статью