2019-10-24

Сунтаардааҕы народнай театр Хабаровскай куоракка

Просмотров: 628

 

В. Николаев аатынан Сунтаардааҕы народнай театр алтынньы 17-22 күннэригэр Хабаровскай куоракка ТЕАТР сылынан ыытыллар Россия студенческай уонна любительскай театрдарын фестиваль- күрэҕин 2 этабыгар кыттыыны ылан кэллибит. Бу күрэххэ Дальневосточнай регионтан 20 театр кытынна.

 

 

Биһиги С. А. Зверев- Кыыл Уола » Хара саһыл » 4 хартыыналаах драматын көрдөрдүбүт. Дьүүллүүр сүбэ үрдүк таһымнаах саха сирин «Малай театра» диэн үрдүк сыананы биэрбиттэрэ биһигини кынаттаата.

 

 

Саха норуотун сиэрин- туомун, үгэстэрин дьиҥнээхтик, туох да киэргэтиитэ суох көрдөрөн, иһитиннэрэн кэлбиппитинэн киэн туттабыт.
«Саамай бастыҥ режиссерскай үлэ», «Бастыҥ ансамбль», » Үгэһи тутуһуу иһин», 88 саастаах артыыска Егорова М. И . «Бастыҥ дьахтар оруола»номинациялары ыллыбыт.

 

 

Бу күрэх национальнай бырайыакка киирэн тэрийээччилэр босхо Хабаровскай саамай улахан ИНТУРИСТ диэн гостиницатыгар түһэрдилэр, күҥҥэ үстэ аһаттылар, автобуһунан тастылар.

 

 

Бу улахан күрэххэ 19 киһини самолетунан барар- кэлэр бырайыаспытын төлөөн ыыппыт Сунтаарбыт Культура уонна духовнай сайдыы управлениятыгар сал. Кобельянова М. В. улахан махталбытын тиэрдэбит.

 

 

58 сыл тухары аан бастаан республика тас өттүгэр баран кэлиибит улахан ситиһии уонна инники киэҥ хардыыга, үүнүүгэ- сайдыыга угуйар. Инникитин өссө да улахан күрэхтэргэ кыттарга ЭРЭЛИ үөскэттэ.

 

 

Поделиться

Переход на предыдущую и следующую статью