«Таптал – иэйии, таптал – дьол» куонкурус түмүгэ Просмотров: 712
Тохсунньу 21 күнүттэн олунньу 15 күнүгэр диэри Өксөкүлээх Өлөксөй аатынан норуоттар доҕордоһууларын дьиэтэ «Таптал – иэйии, таптал – дьол» диэн тапталлаахтар күннэригэр аналлаах хоһоону суруйууга өрөспүүбүлүкэтээҕи аһаҕас куонкурус биллэрбитэ. Уопсайа холбоон 32 кыттааччы тапталы туойар хомоҕой хоһооннорун ыытта.
Дьүүллүүр сүбэҕэ үлэлээтилэр:
- Түсчүт – Афанасий Гаврильевич Гуринов-Арчылан, суруйааччы, суруналыыс, «Күрүлгэн» сурунаал дьаһабыла;
- Оксана Павловна Гаврильева-Айсана, суруйааччы, учуутал, педагогика билимин кандидата;
- Александр Николаевич Гоголев-Сатал Уус – СР норуодунай художнига, СР искусстволарын үтүөлээх деятелэ, СР суруйааччыларын сойууһун чилиэнэ, СР худуоһунньуктарын творческай сойууһун чилиэнэ, үгүс кинигэ ааптара.
Түмүккэ хоһоону суруйбуттарга кыайыылаахтар ааттара билиннэ:
- I кэрдиис — Хон Вячеслав Иванович;
- II кэрдиис — Платонов Руслан Николаевич;
- III кэрдиис — Сутакова Диана Викторовна-Дайаана Куо.
- «Эдэр кыттааччы» биһирэбил — Готовцева Лилиана.
Сонет суруйууга биир эрэ кыайыылаах ааттанна:
- Кылаан биһирэбил — Хон Вячеслав Иванович.
Бастыҥнар хоһоонноро «Күрүлгэн» уус-уран сурунаалга бэчээттэниэхтэрэ, кыайыылаахтар добун суруктарынан, кубоктарынан наҕараадаланыахтара. Хас биирдии кыттааччыга туоһу сурук туттарыллыаҕа.
Бирииһи олохтообут спонсор — «Симэх» норуот искусствотын уонна уус-уран оҥоһуктарын Национальнай Киинэ, директор — Арассыыйа Федерациятын культуратын Үтүөлээх үлэһитэ Яна Викторовна Игнатьева.