2021-12-13

«Эргэ саҥа дьыл түһүлгэтэ» концерт

Просмотров: 310

ТОХСУННЬУ ЫЙ 15 күнүгэр 2022 сыл, киэһэ 17.00 чаастан
Өксөкүлээх Өлөксөй аатынан норуоттар доҕордоһууларын дьиэтигэр
«Эргэ саҥа дьыл түһүлгэтэ»
КОНЦЕРТ
Кыттыыны ылаллар: Владимир Татаринов, Владимир Заболоцкий, Исай Брызгалов, Тамара Попова, «Көөчөөн — көрө» мини – народнай театр артыыстара, Антонина, Иван Прибылыхтар, Иванида Алексеева (Бугулова), Петр Попов, «Күндээрэ» вокальнай ансаамбыл сал. Лонгина Бережнева, Михаил Винокуров – алгысчыт, М.П.Эверстова – Обутова аатынан култуура киинин айар кэлэктиибэ (директор М.П.Игнатьев) уо.д.а.
Тохсунньу — Танха ыйа. Былыр-былыргыттан тохсунньуга биһиги өбүгэлэрбит таҥха иһиллииллэрэ. Научнай матырыйааллары ылан көрдөххө Дьылҕа Хааны, Чыҥыс Хааны, Одун Хааны кытта тэҥҥэ ахтыллар айыылартан биирдэстэрэ. Танха Хаан киһи дьылҕатын туһунан тугу этэрин айылҕа бу дьикти кэмигэр билгэлэнэн инникилэрин торумнанан көрөллөрө. Онон Таҥха — Дьылҕа таҥараларыттан биирдэстэрэ, саха киһитин оҥоһуутун билгэлиир итэҕэлэ.
Бырагыраамаҕа:

  • Алгыс сиэрэ – туома.
  • Таптыыр ырыаһыттарбыт, үҥкүүһүттэрбит бөҕө туруктаах буолар алгыспытын уруйдуу туойуохтара.
  • «Арай биирдэ – ээ…» остуоруйаһыттар, номоҕу, үһүйээни кэпсээччилэр, сээркээн сэһэнньиттэр күөн – көрсүөхтэрэ.
  • Билгэлиир, алгыыр дьоҕурдаах ураты дьоммут санаалары сайҕаан, инникини сырдатан, эрэл кыымын саҕыахтара; түөрэх түһүө, таҥха таҥхаланыа, билгэ билгэлэниэ.
  • Сахалыы, таҥха оонньуулара.
    Дьыл эргииринэн өбүгэбит олохтообут үйэлээх үгэстэрин утумнуур дьоро Киэһэтигэр кэлэн көхтөөх кыттыыны ыларгытыгар ыҥырабыт.
    Киирии билиэт сыаната: 500 солк
    Касса тел: 32-82-96. Afisha.ykt.ru
    Көрөөччү QR – кодтаах, бэйэни туоһулуур докуменнаах,
    мааска булгуччулаах.
Поделиться

Переход на предыдущую и следующую статью