“Көтүүй, көмүс дорҕоонум” Просмотров: 1609
Алтынньы 16 күнүгэр киэһээ 19:00 чаастан Өксөкүлээх Өлөксөй аатынан норуоттар доҕордоһууларын дьиэтигэр “Көтүүй, көмүс дорҕоонум” диэн Виктор Иванович Хон – Омук Уола ырыа-хоһоон эйгэтигэр киирбитэ 10 сылын бэлиэтиир айар киэһэтигэр ыҥырабыт. Бу киэһэ Омук Уолун тылларыгар ырыаларын бэлэх уунан киэһэни киэргэтиэхтэрэ Сахабыт Сирин биллиилээх ырыаһыттара: Сахаайа, Байбал Сэмэнэп, Анастасия Готовцева, Анатолий Бурнашев, Варя Максима, Баһылай Еремеев, Саарын, Дарья Лаврова, Исай Брызгалов, Алексей Потапов, Кыталы Куо, Норд Саунд бөлөх, Виталий Очиров, Сиэн Тиитэп, Геннадий Сэмэнэп, Лэгэнтэй, Николай Андросов, Ыра Чаҕаан, Альберт Унаров, Прасковья Бояркина, Эрхан, Петр Кулаковскай, Рустам Хон уонна “Алаҕар” студия, Антон Иванов уонна “Добун” студия уонна да үгүс үтүө ырыаһыттар.
Дьоро киэһэни иилээн-саҕалаан ыытыахтара: Николь уонна Николай Гоголев.
Күндү Туймаада олохтоохторун, дьоһун–мааны ыалдьыттарын сонун туруоруулаах кэнсиэри дуоһуйа көрөн иллэн бириэмэҕитин туһалаахтык атаарыҥ!