2015-11-26

Олоҥхо Ыһыаҕа 2016 — Дьааҥы улууһугар

Просмотров: 1146

IMG_3207

 

Улуу олоҥхобутун көлүөнэттэн – көлүөнэҕэ кэнчээри ыччаппытыгар кэс гынан хаалларбыттарын, аныгы үйэ дьоно суолтатын өйдөөн, дириҥ ис хоһоонун сыаналаан, сөҕөн – махтайан бүтүн аан дойду түһүлгэтигэр дуоратан ЮНЕСКО норуот айымньытын сүмэтинэн сиэдэрэйинэн билиммитэ номнуо 10 сыла туолла. Сахабыт сирин киин куоратыгар, улуустарыгар сэтинньи 25 күнүттэн Олоҥхо күннэрэ саҕаланнылар. Биллэн турар, Сахабыт сирин бэлиэ түгэнинэн сыл аайы ыытыллар Олоҥхо Ыһыаҕа буолар. Бу сайын Олоҥхо Ыһыаҕа Дьааҥы улууһугар тэриллиэхтээх.

 

27f2b02ec0f7582f12a4d6a3c9f14cb6

 

Олоҥхо Декадатын арыллыытыгар Дьааҥы улууһун култуураҕа уонна духуобунаска управлениетын салайааччытын Екатерина Ноговицынаны кытта кэпсэттибит:

 

“Биһиги Дьааҥы улууһугар Олоҥхо эйгэтигэр үлэлээбиппит быдан ыраатта. Аан маҥнайгыннан сурукка киирбит олоҥхолоох дьоннор буоларбытынан киэн туттабыт. Иван Александрович Худяков суруйууларыгар “Верхоянский округ”, “Краткое описание Верхоянского округа” диэн үлэлэргэ биһиги, Дьааҥылар, хайдах олорбуппут, сиэрбит-туоммут, фольклорбут жанрдара барыта онно киирэ сылдьаллар. Ол кэнниттэн эмиэ үгүс чинчийиилэр барбыттара. Ити курдук биир дойдулаахпыт Ия Ильинична Стручкова ол кэм саҕана Дьааҥы улууһугар 62 олоҥхоһут олорон, ыллаан-туойан ааспыт диэн бэйэтин үөрэҕин түмүктүүр үлэтин суруйан, чинчийэн турардаах. Инньэ гынан биһиги биир киэн туттар киһибит ийэ олоҥхоһуппут Дарья Андреевна Томская буолар. Кини Олоҥхобутун ЮНЕСКО билиниитигэр бэйэтэ киллэрбит сүдү кылааттаах, Японияҕа тиийэ кини олоҥхолоро биллибиттэрэ, араас омук тылларыгар тылбаастанан кинигэ буолан тахсаары бэчээккэ бэлэмнэнэн тураллар. Маны таһынан Дьааҥыга Олонхо ассоциациятын филиала арыллыбыта, үлэ күүстээхтик бара турар. Эһиил 2016 сылга Өрөспүүбүлүкэтээҕи Олоҥхо Ыһыаҕын ыытаарыбыт долгуйа, бэлэмнэнэ сылдьабыт. Араас хабааннаах үлэлэр, хас биирдии хайысха былааннанан бара тураллар. Былааҥҥа Олоҥхо уонна Арчы дьиэтин тутуута киирэн турар.

 

Бүгүн Олоҥхо күнүгэр Дьокуускай куоракка кэлэммит кыттыыны ыла турабыт. Маны таһынан Ахсынньы 1 кунугэр “Дьааҥылыын Олоҥхо ыһыаҕын уруйдуох!” диэн дьоро киэһээбитигэр Өксөкүлээх Өлөксөй аатынан норуоттар доҕордоһууларын дьиэтигэр бука барыгытын ыҥырабыт! Ахсынньы 5-6 күннэригэр Олоҥхо фестивалин Дьааҥыбытыгар ыытыахтаахпыт. Маны таһынан үөрэҕэрии эйгэтин этэр эбит буоллахха, хас биирдии оскуола бэйэтэ “Олоҥхо тыыннаах утумнарыгар” диэн араас хайысхаларынан үгүстээх үлэни ыыта турар.”

Поделиться

Переход на предыдущую и следующую статью