Сахабыт Сирин  киэҥ нэлэмэн иэнин тилэри хабан, айар талааннаах, уус-иис идэлээх дьону түмэр, уус-уран искусство сайдарыгар, киэҥ аартыкка тахсарыгар төһүү күүс буолар, аарыктаах айана Аан дойдунан тэлэһийбит – “Симэх” диэн кэрэ ааттаах, Өксөкүлээх Өлөксөй аатынан Норуоттар Доҕордоһууларын Дьиэтин Норуот  айымньытын  Киинэ олунньу 6 күнүгэр Таатта улууһугар Ытык Күөлгэ П.А.Ойуунускай аатынан Таатта народнай театрыгар дьоро күҥҥэ күндү ыалдьыт буолла.

 

 

11.00 чаастан “Триумф мастерства” республикатаа5ы быыстапка үөрүүлээх аһыллыытыгар Таатта улууһун иис куттаах Далбар Хотуттары түмэр түһүлгэ тэрилиннэ.

 

 

2015 сыл түмүгүнэн норуот маастара номинацияҕа “Душа России” Российскай федерация правительствотын бириэмийэтин Лауреата, Саха республикатын норуотун маастара, республикатааҕы “Кырадаһын кустуга” иис кулууп салайааччыта, Ольга Ивановна Гуляева,  «Симэх» Норуот  айымньытын  Киинин сүрүн специалиһа Радомира Дмитриевна Баишева, Саха республикатын норуотун маастара Евдокия Иннокентьевна Петрова, “Симэх” киинин фонда улэһитэ, Саха республикатын норуот уус уран оноһууга маастара Азияна Филипповна Харлампьева, Саха республикатын норуот уус уран оҥоһууга маастара, Саха республикатын “Кукольниктарын  сойууһун” салайааччыта Василий Андреевич Андросов, Бүлүү улууһун иистэнньэҥэ Анна Николаевна Семенова дьоһун мааны ыалдьыт буоллулар.

 

 

14.00 чаастан Ольга Ивановна Гуляева кыбытыктаах иискэ 20 иистэнньэҥи иилээн-саҕалаан маастар кылааһы үрдүк таһымнаахтык ыытта.

 

 

Евдокия Иннокентьевна Петрова саха танаһын быһыытыгар, тигиитигэр 21 кыттааччыга сүбэ-ама биэрдэ, тута ыйан-кэрдэн быһан-отон элбэх киһини илии тутуурдаан үөртэ.

 

 

Василий Андреевич Андросов авторскай куукула оҥоһуллар кистэлэҥин арыйда. 31 киһи көхтөөхтүк кытынна. Тааттаҕа саҥа «Таатта кукольниктара» диэн түмсүүтүн тэрийдэ.

 

 

Тэрээһин аһыллыытыгар Тааттыныскай нэһилиэк «Айылҕаана» иис түмсүүтүн  Далбар эбээлэрэ (салайааччы Екатерина Игнатьевна Бурнашева) сиэр-туом толоруутугар, ыытааччыннан “Удьурҕай” этно бөлөх салайааччыта Людмила Константиновна Цой,  “Ийэ олоҥхоһут” П.Е.Решетников төрөппүт кыыһа Розалия Петровна Докторова алгыс тойуга,  Тыараһа нэһилиэгиттэн “Кылыһах” народнай фольклорнай ансамбль (салайааччы Саха республикатын культуратын туйгуна Кэнчээри Ивановна Собакина) “Чаппараах тойугун” туойан, кымыс иһэрдэн  быыстапка аһыллыытын ситэри симээн киэргэттилэр.

 

 

«Таатта улууһа» муниципальнай оройуон баһылыгын социальнай боппуруостарга солбуйааччытыгар Изабелла Александровна Сивцева Саха республикатын норуот уус уран оноһууга маастара, Таатта улууһун “Айылгына” иис кулуубун салайааччыта Арина Николаевна Большаковаҕа, 6 иистэнньэҥҥэ улуус баһылыгын аатыттан Бочуотунай грамота туттарда. Саха республикатын норуотун маастара, Таатта улууһун култуураҕа салаатын начальнига Афанасий Петрович Лопатин Ольга Ивановна Гуляеваҕа СР норуотун маастара Ф.И.Чээрин чочуйбут маллаах иһитин  туттарда.

 

«Симэх» Норуот  айымньытын  Киинин сүрүн специалиһа Радомира Дмитриевна Баишева Таатта улууһун култуураҕа салаатын декоративнай-прикладной айар үлэни сүрүннүүр методиһыгар Яна Акимовна Никифороваҕа Өксөкүлээх Өлөксөй аатынан Норуоттар Доҕордоһууларын Дьиэтин генеральнай директора Я.В.Игнатьева аатыттан «Махтал сурук» туттарда.

 

Р.Д.Баишева, О.И.Гуляева, А.Н.Большакова, И.А.Сивцева, А.П.Лопатинмустубут дьон ытыһын тыаһынан доҕуһуоллатан, уот кыһыл лентаны  кырыйан, сүрэх иэйиитинэн, уран тарбах талаанынан айыллыбыт, «Айар талаан өрөгөйө” – “Триумф мастерства”  республикатааҕы быыстапканы үөрүүлээхтик астылар.

 

Яна Акимовна Никифорова, Таатта улуһуун култуураҕа салаатын

декоративнай-прикладной айар үлэни сүрүннүүр методиһа