V-с Өрөспүүбүлүкэтээҕи Өбүгэ быстыбат ситимэ фольклор фестивалын балаһыанньата

Кулун тутар 2-с уонна 3-с күннэригэр сарсыарда 9 чаастан Өксөкүлээх Өлөксөй аатынан норуоттар доҕордоһууларын Дьиэтигэр чабырҕаҕы, тойугу, норуот ырыатын (дэгэрэҥ) толорор уонна хомуска оонньуур оҕо-аймах түһүлгэтэ ыытыллар.

Бу күөн-күрэс оҕону чөмчүүк сааһыттан норуотун тылынан уус-уран айымньытын, ырыатын-тойугун сэҥээрэрин, толорорго холонуутун ситиһэр, оҕоҕо төрөөбүт төрүт үгэһи, ырыаны-тойугу билиһиннэрэр, иҥэрэр, аҕа саастаах дьоҥҥо саҥа талааннарыы арыйар сыаллаах тэриллэр.

Фестиваль-күөн-күрэскэ оскуолаҕа киириэн иннинээҕи саастаах уонна оскуолаҕа үөрэнэр оҕолор уонна аҕа саастаах дьон кыттыыны ылыахтара. Толорооччу айымньытын төрүт инструменнарынан, фонограмманан доҕуһуолланара көҥүллэнэр.

Фестиваль-күөн-күрэс балаһыанньатын Өксөкүлээх Өлөксөй аатынан норуоттар доҕордоһууларын Дьиэтин сайтыгар киирэн билсиэххитин сөп. Сайт: центркультуры.рф

Сайаапканы олунньу 24 күнүгэр диэри маннык аадырыска ыытаҕыт:

т/ф 32-80-77, olonkho-centr@mail.ru. Сысолятина Зоя Григорьевна 8-914-2-701-436