2016-03-16

Дьөһөгөй күнэ

Просмотров: 1760

20160316013523

 

Саха – сылгы куттаах омук. Төрүт былыргы итэҕэлэ, бары сиэрэ-туома, үһүйээннэрэ-номохторо Уордаах Дьөһөгөй Айыы маанылаах оҕото — сылгыны кытта быһаччы ситимнээхтэр. Ол да иһин буоллаҕа, сылгы барахсан үөһэттэн айдарыылаах ураты ытыктанар, киниэхэ сүгүрүйэбит, үрдүк аатын өрө тутабыт.Мэҥэ Хаҥалас улууһун Бэдьимэ нэһилиэгэр                                                         «Дьөһөгөй күнэ» сэргэх тэрээһин ыытылынна. Барыта 15 нэһилиэктэн 114 кыттааччы кытынна.Тэрийээччилэр Мэҥэ Хаҥалас сылгыһыттарын ассоциацията, Тыа хаһаайыстыбатын управлениета, Олоҥхо дьиэтин улуустааҕы норуот айымньытын Киинэ, Аллараа Бэстээх сынньалаҥ Киинэ, «Бэдьимэ нэһилиэгэ» МТ.

 

20160316013523 (2)

 

Сылгыһыттар күөн-күрэстэригэр бастакы миэстэни Табаҕалар, иккис миэстэни Павловскайдар, үсүһү Матталар ыллылар. Дьөһөгөй оҕото айар талааннаахтар уус-уран оҥоһуктар быыстапкаларыгар бастакы миэстэни Варвара Стручкова Төхтүр, иккис миэстэни Валентина Березкина Балыктаах, үһүс миэстэни Ньургун Гоголев Балыктаах ситистилэр.  «Төрүт үгэһи тутуһааччы» анал ааттар ананныларТамара Рахлееваҕа Тумул, Мария Ким, Анисия Федороваҕа Төхтүрдэр, «Убаһа этэ – доруобуйа төрдө» саха төрүт аһын быыстапка күрэҕэр бастакы миэстэни Оксана Павлова Төхтүр, иккис миэстэни Валентина Мартынова Майа, үһүс миэстэни Екатерина Михайлова Төҥүлү тигистилэр. «Астык ас» анал иҥэрилиннэ Власий Михайловка Төҥүлү, «Сэдэх ас» Маргарита Скрябинаҕа Балыктаах, «Амтаннаах ас» Иван Пономаревка, Варвара Смирноваҕа Тумул тигистэ.

 

20160316013523 (1) 20160316013524 20160316013523 (4) 20160316013523 (3)

 

Маннык сонун тэрээһини тэрийэн кэнэҕэски кэнчээри ыччаттарбытыгар билиһиннэриэҕин, Дьөһөгөйбүт үрдүк аатын төлкөлөөн — урааҥхайдар дэтиэҕиҥ, самнан биэрбэт саргылаах саҥа сахалар буолуоҕуҥ!

 

Сыралыма

 

 

Поделиться

Переход на предыдущую и следующую статью