Скачать: “Дьээбэрэҥ” балаһыанньата

Саха норуотун көрүн-күлүүтүн көҕүлүттэн туппут, үгэскэ кубулуйбут тапталлаах күрэхпит төрүттэммитэ 20 сылыгар ананар улахан гала-концерт Муус устар 1-кы күнүгэр Өксөкүлээх Өлөксөй аатынан норуоттар доҕордоһууларын дьиэтигэр ыытыллыаҕа.

«Дьээбэрэҥ» ‒ көргө-күлүүгэ сыһыаннаахтар, айылҕаттан айдарыллыбыт айар дьоҕурдаахтар түмсэн күөн көрсүһэр, күрэхтэһэр, бастыҥнары талан ылар, үөрэр-көтөр түһүлгэлэригэр кубулуйбут, эдэр саҥа талааннары таба тайанан айар үлэ аартыгар үктэннэрэр, дьон-сэргэ сөбүлээн сылдьар, астына көрөр, дуоһуйа сынньанар  көр-күлүү республикатааҕы  күрэҕэ.

Бу киэһэ кыттыыны ылыахтара: Араас сыллар гран-при хаһаайыттара, номинациялар хаһаайыттара: Туяра Стручкова, Кирилл Мартынов, Константин Третьяков, “Көөчөөн көрө”, “Дьиикимдэ дьээбэлэрэ”, “Айтал”, “Кычык-кычык”, “Балаҕаннаах бэтиэхэлэрэ”, “Бээди бэтиэхэлэрэ”, “Дэриэбинэчээн”, “Быара суохтар”, “Чолигда” уо.д.а.

Бу эрэ күн кыттааччылар талан ылбыт көрүҥнэригэр, ол эбэтэр көрдөөх кэпсээн, хоһоон, чабырҕах, үгэ, монологтар, сценкалар, конферансье, комедияттан быһа тардыылар, көрдөөх ырыалар, үҥкүү, пародия, пантомима, клоунада, фокус жанрдыранынан туруоруулары көрдөрүөхтэрэ.

Кэлиҥ! Сылдьыҥ! Көр-күлүү киэһэтин көтүтүмэҥ!

Касса – 32-82-96