2016-06-16

“Күн Дьөһөгөй бэлэҕэ” быыстапка-дьаарбаҥкаҕа ыҥырабыт!

Просмотров: 1850

77

 

Бэс ыйын 18 күнүгэр Чурапчы улууһун Мындаҕаайы сиригэр, Саха сирин бастакы Үлэ Дьоруойа сылгыһыт – Роман Иннокентьевич Константинов 120 сылыгар аналлаах үбүлүөйдээх “Үрүҥ сылгы” ыһыаҕа ыытыллаары үлэ күөстүү оргуйар. Ыһыах чэрчитинэн “Күн Дьөһөгөй бэлэҕэ” диэн быыстапка-дьаарбаҥка тэриллэр. Күөн-күрэскэ кыттыыга биирдиилээн норуот маастардарын, ууран уустары уонна баҕалаахтары ыҥырабыт.

 

Быыстапка сыалынан-соругунан саха омуга сылгыта ураты сыһыанын киэҥ эйгэҕэ билиһиннэрии, саха омук төрүт үгэстэрин чөлүгэр хаалларыыга уонна сайыннарыыга кылааты киллэрии, эдэр ыччаты өбүгэлэрбит үгэс буолбут дьарыктарыгар уһуйуу, саха норуота кылтан, сиэлтэн, сылгы тириититтэн оҥоһуктарын салгыы сайыннарыы уонна саха норуота “Күн Дьөһөгөйгө” сүгүрүйүүтүн көрдөрүү буолар.

 

Сүрүн ирдэбиллэр (үлэлэр көрүҥнэрэ):

  • кылтан, сиэлтэн сөрүө араас көрүҥнэрэ;
  • кылтан, сиэлтэн сэлээппэ араас көрүҥнэрэ;
  • кылтан, сиэлтэн дэйбиир араас көрүҥнэрэ;
  • сылгы тириититтэн таҥыллыбыт уус-уран оҥоһуктар;
  • сылыгыга аналлаах сувенирнай оҥоһуктар;
  • толору симэхтээх ат тэрилэ.

Үлэлэр көрүҥүнэн үстэн элбэҕэ суох, үс сылтан бэттэх оҥоһуллубут, толору этикеткалаах буолуохтаахтар. Күрэс түмүгүнэн бириистэр, анал ааттар иҥэриллэллэр, кыттааччыларга туоһу сурук туттарыллар.

 

Билсэр аадырыскыт: Чурапчы улууһа, Чурапчы с. Ярославскай уул, 18 “а”, “Чурапчы улууһунааҕы култуура салалтата” МХ тэрилтэтэ, тел\факс: 8(41151) 41-5-01, 8(41151) 42-5-10. Координатор: Пинигина Валентина Дмитриевна — 89142341164

 

Поделиться

Переход на предыдущую и следующую статью