Сэтинньи 28 күнүгэр өрөспүүбүлүкэҕэ Хомус күннэрэ, сахалартан бастакы идэтийбит хомусчут, Арассыыйа үтүөлээх артыыһа, аан дойду виртуоз хомусчута Бүөтүр Оҕотоойоп төрөөбүтэ 55 сылын көрсө, кини олорбут дьиэтигэр мемориальнай дуосканы арыйыыттан саҕаланна. Салгыы хомус музейыгар Бүөтүр олорбут олоҕун, үлэтин кэпсиир быыстапкҕа арыллыыта, кини туһунан «Орто дойду оҕото хомуһуннаах хомустаах Оҕотоойоп» — диэн документальнай киинэ сүрэхтэниитэ буолла.

Саха хомуһун аан дойду аарыгырар аартыктарын арыйан билиһиннэрбит биир дойдулаахпыт Петр Петрович Оготоев аата биһиги  өйбүтүттэн-санаабытыттан хаһан да сүтүө суоҕа. «Олоҥхо дойдутун хомусчута Оҕотоойоп» быыстапка Хомус музейыгар ахсынньы ый 25 күнүгэр дылы туруоҕа. Кэлиҥ, көрүҥ, сэргээҥ барыгытын, хомуска сүгүрүйээччилэри ыҥырабыт.