Чурапчы улууһун Хоптоҕо нэһилиэгэ Дириҥнээҕи народнай театр 40 сылын көрсө бу театр үлэтин сэһэргиир  кинигэ таҕыста. Кинигэҕэ РФ суруйааччыларын, журналистарын Союзтарын чилиэнэ, СР культуратын  үтүөлээх үлэһитэ Павел Федоров – Сомоҕо, 1980 – 2000 сс театр режиссера, 2000 – 2005 сс КЭК директора, СР культуратын туйгуна, народнай театр артыыската Марфа Иванова, СР культуратын туйгуна импровизатор – хомусчут, народнай хор солистката, народнай театр артыыската адежда Потапова, педагогическай үлэ ветерана СР Бочуоттаах бэтэрээнэ, «Гражданскай килбиэн»,  «Норуот айымньыта сайдыытыгар кылаатын иһин» бэлиэлэрдээх Евдокия Захарова, Дириҥнээҕи народнай театр артыыһа, сцена, үлэ бэтэрээнэ «Культурнай – духовнай сайдыы» бэлиэ хаһаайына Григорий Тимофеев, театр кырдьаҕас көлүөнэ артыыһа «Эрилик – Эристиин» совхоз диспетчэрэ Прокопий Флегонтов, театр кырдьаҕас артыыһа Гаврил Кузьмин ахтыылара, театр олоҕун кэпсиир араас кэмнээҕи хаартыскалар киирбиттэр.

Кинигэ тахсыытыгар үлэлэстилэр: Дириҥнээҕи народнай театр бастакы директора Петрова Екатерина Михайловна, театр режиссера Божедонова Мария Петровна. Матырыйаалы хомуйдулар    Дириҥнээҕи народнай хор салайааччыта Попова  Фекла Ивановна, народнай театр художнига Хаптасова Елена Семеновна. Бэчээккэ бэлэмнээтэ методист Саргылана Старостина. Үбүлүөйдээх сылга кырдьаҕас театр ыалдьыттарыгар, артыыстарыгар бэртээхэй ис хоһоонноох кинигэни таһааран бэлэх уунна.

 Сыралыма