Саха Өрөспүүбүлүкэтин Ил Дархана Е.А. Борисов тыа сирин кэлимник сайыннарыы болдьоҕун  2014 – 2018 сылларга уһатан биэрбитэ тыа сирин олохтоохторун үөрдэр. Ол чэрчитинэн улуус айар талааннаахтарын мунньан ахсынньы 12 күнүгэр Өксөкүлээх Өлөкөй аатынан норуоттар доҕордоһууларын дьиэтэ “Ыллаа-туой, тыам сирэ!” диэн үһүс төгүлүн дойдубут араас муннугуттан ааспыт кэм ахтылҕанын санатар ырыа-тойук киэһэтигэр ыныр. Бу эрэ күн Сахабыт сирин араас улууһуттан ырыа, үҥкүү киэһэтин истиҥ эйэҕэс, күндүттэн күндү көрөөччүлэрбитигэр эһиэхэ эрэ анаан көр-күлүү бастыҥын, ырыа эриэккэһин, үҥкүү үлүскэннээҕин хаһан да ханна да көстүбэтэх тапталлаах тыабыт сирин талба-мааны талааннаахтара бэлэхтиэтэрэ: Күннээх Аммалар, Манчаары дойдута Мэҥэлэр, Дьөһөгөй айыылаах Уус-Алданнар, Тоҕус томтордоох Чурапчылар, Эҥсиэли хочотуттан, Үрдүккэ дьулуспут Горнайдар, Ырыа-тойук аргыстаах Үөһээ Бүлүүлэр, Айыылартан айдарыылаах, ырайтан ыйаахтаах Бүлүүттэн – Дьөккөннөр, Хампалар! Сыанаҕа бииртэн биир чулуу нүөмэр улуустартан талыллан киириэхтэрэ. Икки сыл аннараа өттүгэр сылдьыбыт көрөөччү өйдүүр буолуохтаах 183 талба талааннаахтар мустан сэргэх киэһэни бэлэхтээбиттэрин, кэнсиэр бүтэ да илигинэ, көрөөччүлэрбит «аны маннык тэрээһин хаһан буолуой?»- диэн сураһа хаалбыттара.. Былырыын иккис төгүлүн эдэрдэр «Маҕарас маладьыастара» көрү-күлүүнү көҕүлүттэн туппуттара. Тыа сирэ – талаан биһигэ!

Дьэ онон, үһүс төгүлүн ыытыллар бырайыакка ахтылҕаҥҥытын таһааран дойдугут мүөттээх салгынын иҥэриниҥ, күүстэ-уохта ылыныҥ!

Билиэт сыаната: 500 солк.

Касса: 32-82-96

Саҕаланар: киэһээ 17 чаастан.