Тыам сирэ,

Эйиэхэ тапталым күүһэ
Өһүлүннэ да, мин бүтэбин.
Тыам сирэ
Эн баар буолаҥҥын
Өссө да кэрэни сөҕөбүн.
Тыам сирэ —
Дьолум-соргум биһигэ
Сүрэҕим күөх сирэмэ.
Тыам сирэ —
Тапталым самаан сайына,
Олоҕум уостубат быйаҥа
Тыам сирэ —
Мин көҥүл тыыным уйата
Сахалыы санаам дууһата.

(С.Гольдерова)

 

Хас биирди киһи кыракый дойдулаах буолар. Киһи төрөөбүт дойдутун сыаналыыр, таптыыр. Ханна да олохсуйбуппутун иһин син биир төрөөбүт дойдубутугар тардыһабыт, ахтабыт. Ол иһин куоракка олохсуйбут дьоҥҥо анаан Өксөкүлээх Өлөксөй аатынан норуоттар доҕордоһууларын дьиэтигэр үһүс төгүлүн “Ыллаа-туой, тыам сирэ!”- диэн киэҥ дойдубут араас муннугуттан ааспыт кэм ахтылҕанын санатар ырыа-тойук киэһэтин ыытабыт.

 

 

Бу эрэ киэһээ Сахабыт Сирин алаас улууһуттан ырыа-тойук, үнкүү-битии, көр-күлүү киэһээтигэр ынырабыт. Ырыа, үҥкүү киэһэтин истиҥ, эйэҕэс, күндүттэн күндү көрөөччүлэрбитигэр хаһан да ханна да көстүбэтэх тапталлаах тыабыт сирин талба-мааны талааннаахтара бэлэхтиэхтэрэ:

 

 

Күннээх Амма улууһа: Надежда Куличкина;

Балыктаахтан: Бэтиэхэлээх Балыктаахтар

Тиэлигиттэн: Давид Трофимов уонна Айаал Гаврильев

Төҥүлүттэн: “Ситим” үҥкүү бөлөҕө, “Утум” уолаттар вокальнай ансаамбыллара уонна “Ырыа ыллыга” кыргыттар ансаамбыллара;

Маҕарастан: “Кындыа” муода тыйаатыра, Арианна Соловьева

Орто Сурттан: Көрдөөх сценкалар, “Кыайыы сарыала” муода тыйаатыра

Бэрдьигэстээхтэн: Иннокентий Гермогенов, Нина Максимова, “Уолан” үҥкүү бөлөҕө;

Тамалакаантан: Сахая Тоскина, Алексей Руфов, Ньургун Бабаранов;

Бороҕонтон: Семен Федоров, Афанасий Каратаев, Иван Иванов

Дьөккөнтөн: Василий Федоров салайааччылаах ВИА, Татьяна Григорьева, оһуохайдьыт Василий Федоров

Хампаттан: хомусчут Сахаайа Васильева, “Оһуор” үҥкүү бөлөҕө, Настя Боронова;

Күөх Ньурба улууһуттан Никииппэр Сэмэнэп уола Юлиан Семенов.

 

 

Сыанаҕа бииртэн биир чулуу нүөмэр улуустартан талыллан киириэхтэрэ. Икки сыл аннараа өттүгэр сылдьыбыт көрөөччү өйдүүр буолуохтаах 183 талба талааннаахтар мустан сэргэх киэһэни бэлэхтээбиттэрин, кэнсиэр бүтэ да илигинэ, көрөөччүлэрбит «аны маннык тэрээһин хаһан буолуой?», — диэн сураһа хаалбыттара.. Былырыын иккис төгүлүн эдэрдэр «Маҕарас маладьыастара» көрү-күлүүнү көҕүлүттэн туппуттара.

 

 

Дьэ онон, үһүс төгүлүн ыытыллар бырайыакка ахтылҕаҥҥытын таһааран дойдугут мүөттээх салгынын иҥэриниҥ, күүстэ-уохта ылыныҥ! Тыа сирэ – талаан биһигэ!