2016-06-14

Өксөкүлээх Өлөксөй аатынан Норуоттар доҕордоһууларын дьиэтигэр көҕөрдүү үлэтэ бара турар

Просмотров: 578

IMG_3410

 

Тапталлаах Дьокуускай куораппыт сыл ахсын тупсан, киэркэйэн иһэр. Быйыл Аан дойдутааҕы Азия оҕолорун оонньуута буоларынан сибээстээн тэрилтэлэр дьиэлэрин таһа ордук тупсаҕай көрүҥнээх буолбута киһи хараҕар быраҕыллар. Биһиги Федоров Иннокентий Аполлоновиһы, тыа хаһаайыстыбатын наукатын кандидатын кытта кэпсэттибит.

 

Иннокентий Аполлонович, эһиги биһиги дьиэбитин, Өксөкүлээх Өлөксөй аатынан Норуоттар доҕордоһууларын дьиэтин тас көрүҥүн тупсараары итиини итии, ардаҕы ардах диэбэккэ биригээдэҕинээн үлэлии хамныы сылдьаҕыт. Тугу оҥорон, айан таһаарар былааннааххытый?

 

Биһиги сыалбыт икки: бастатан туран, 1200 квадратнай миэтирэ иэннээх газон оҥоро сылдьабыт. Иккиһинэн, ол уурбут газоммут ортотугар үс сибэккиннэн симэммит клумба ууруохтаахпыт. Ол клумбабыт 1820 үрүҥ, кыһыл, фиолетовай, сиреневай өҥнөөх петуния сибэккиттэн туруоҕа. Тиһэҕэр ол сибэккилэрбит сахалыы оһуордар буолуохтара.

 

Газон оҥороргутугар ханнык ньымаларынан туттаҕытый?

 

Икки ньыманы туттабыт. Бастакыта, биир сыллаах газон. Онно биһиги бурдук культуратын туттабыт эбиэс диэн үүнээйини. Кини биир сыл устата көстүүнү түргэнник биэрэр. Иккиһинэн, биһиги кинини кытта бииргэ өр сыллаах газон сиэмэтин ыстыбыт. Мин итинник ньыманы Саха сиригэр бастакыннан туттубут киһи буолабын. Быйыл эбиэс көрүҥү биэриэ, онтон эһиил өр сыллаах оппут үүнэн, силигирээн тахсыахтаах. Уонна кини 15-20 сыл көрүҥ биэриэхтээх.

 

Сибэккилэри олордоргутугар кимнээх күүс-көмө буоллулар?

 

Сибэккилэрбитин бу өрөбүллэргэ олордон саҕалаатыбыт. Биһиэхэ сүүрбэттэн тахса сыл сибэккини кытта үлэлээбит уопуттаах кыргыттар көмөлүөхтэрэ. Кинилэри Саха сиригэр саамай үчүгэй цветоводтар диэтэхпинэ алҕаһаабатым буолуо.

 

Иннокентий Аполлонович, кэпсэтииҥ иһин махтал!

 

Поделиться

Переход на предыдущую и следующую статью