Ааспыт нэдиэлэҕэүһүс көлүөнэ оскуола вокальнай устуудьуйатын кыттыылаахтара салайааччы Роман Константинович Степанов тэрийиитинэн «Ырыа – үөрүү кыыма» — диэн ааттаах ырыанньык күн сирин көрбүтүнэн  дьоро киэһэҕэ ырыаны ымыы оҥостубут, ырыаҕа сүгүрүйээччилэр муһуннулар. Саха Өрөспүүбүлүкэтин ырыа айааччылар сойуустарын аатыттан Алексей Егоров уонна Степан Васильев эҕэрдэлээтилэр.

Ырыа түһүлгэтигэр бэртээхэй куоластаах ырыаһыттарбыт Акулина Васильева, Александра Жиркова, Аида Иванова, Люция Слепцова, Аника Захарова уо.д.а бэйэлэрин ырыаларын көрөөччү дьүүлүгэр таһаардылар.

Айан суола муҥура суох. Син ол курдук ырыаҕа анаммыт олох үрдүккэ, кэрэҕэ эрэ талаґа, салҕана турар, дьон- сэргэ сүрэҕэр үөрүүнү, дьолу уйалаары, үйэлээҕи,  умнуллубаты бу орто дойдуга олохтоору ананар.

Инникитин даҕаны кэлэр кэнчээри ыччаты иитиигэ, ырыа ускуустубата сайдарыгар сүҥкэн кылааты киллэрсэ туруҥ күндү биһиги ырыа айааччыларбыт.

Ыллыыр ырыаларгыт ыра санаа кыната буолан үрдүктэн үрдүккэ көттүннэр! Айар үлэҕит аартыга кэҥии турдун, үрдук ситиhиилэри дабайа туруҥ!

Сыралыма