Олунньу ый 28-с уонна кулун тутар 1-с күннэригэр сарсыарда 10 чаастан Өксөкүлээх Өлөксөй аатынан норуоттар доҕордоһууларын дьиэтигэр чабырҕаҕы, тойугу, норуот ырыатын (дэгэрэҥ) толорор уонна хомуска оонньуур оҕо-аймах түһүлгэтэ ыытыллар.

Бу күөн-күрэс сыалынан-соругунан С.А.Зверев-Кыыл Уола төрөөбүтэ 115 сылын көрсө ыытыллар тэрээһиннэр тиһиктэригэр киирэн сүҥкэн ырыаһыт аатын үйэтитии, оҕону «чөмчүүк» сааһыттан бэйэтин норуотун ырыатын-тойугун сэҥэрээрин, толорорго холонуутун ситиһии уонна оҕолорго төрөөбүт төрүт үгэһи, ырыаны-тойугу билиһиннэрии буолар.

Фестиваль-күөн-күрэскэ оскуолаҕа киириэн иннинээҕи саастаах уонна оскуолаҕа үөрэнэр оҕолор кыттыыны ылыахтара. Толорооччу айымньытын төрүт инструменнэринэн, фонограмманан доҕуһуолланаллара көҥүллэнэр. Маны таһынан, фестиваль кэмигэр олунньу 28-c күнүгэр саха фольклорун үйэтитээччи, тэнитээччи Л.М.Егорова маастар-кылааһа күнүс 3 чаастан ыытыллыаҕа.

Сайаапканы олунньу ый 25 күнүгэр диэри маннык аадырыска туталлар: Поярков уул, 4 Билсэр тел.: Адамова С.С.-8914-2-717-464; Сысолятина З.Г.-8914-2-701-436; Федорова Г.Г.-8914-2-771-479.