Олоҥхо тыйаатырын артыыһа Миитэрэй Уйбаныап «Ырыа ыллыгар, тойук тоҕойугар» уйдаран, ыллыктаах санааны ылынан айар киэһэтин көрөөччүлэргэ бэлэхтээтэ

Миитэрэй  оҕо эрдэҕиттэн норуот ырыатын, дорҕоонноох кэрэ чуор кылыһахтаах тойугу, оһуохайы, алгыһы, олоҥхону сэҥээрэн улааппыт норуот талааннааҕа буолар. Сахабыт уус–уран тыла, тойуга, оһуохайа, олоҥхото  сайдарын туһугар уһун кэм устата билиитин–көрүүтүн, айылҕаттан бэриллибит дэгиттэр талаанын дьон–сэргэ туһугар анаан норуот ытыктабылын, биһирэбилин ылыаҕын ылар. Ол да иһин айар киэһэтин саха норуота сүгүрүйэр, дьон-сэргэ биһирэбилин ылбыт Саха норуодунай артыыһа мелодист, ырыаһыт Христофор Максимов ырыаларынан таҥан, дьүһүйэн айар киэһэтин бэрт истиҥник, иһирэхтик биир дойдулаахтарыгар, кини талааныгар сүгүрүйээччилэригэр таһаарда. Куолаһын кылыһаҕа, дьүрүскэнэ дьүрүһүтэн бу ыллаатаҕа, туойдаҕа үчүгэйин!

Фольклор-өбүгэ быстыбат ситимэ сайдарын туґугар уґун сыралаах үлэҕэ кыттыhан «Тойук» кэлэктиип сайдарын туhугар сыралаах үлэтин үрдүктүк сыаналыыбыт.

Миитэрэй Сэмэнэбис! Оҕо дьоҥҥут олохторун ырыа–тойук аргыстааҥ, ыччат дьоҥҥут ыраларын ымыы ыллыктааҥ. Инникитин даҕаны Иэйэхситтии иґирэх санааҕыт арыаллаатын!

Өрүү маннык эдэрдии эрчимнээх буол, олоҕу кытта тэҥҥэ хардыылыы сырыт, кытаанах доруобуйаны, чугас дьоҥҥор–сэргэҕэр дьолу–соргуну баҕарабыт. Эн талаанын  Улуу Кыайыы 70 сылыгар алмаас таастыы күлүмүрдээтин, биир дойдулааҕын айылҕаттан айдарыылаах чаҕылхай талааннаах С.А. Зверев–Кыыл Уола хоһуйбут иһирэх санаатын эн үрдүк ааккар, төлкөлөөх сүрэххэр тириэрдэбит:

Ыра–төлкө

Ыксаҕа кэллэ,

Олоҥхо омуна

Олоххо көһүннэ…

Ыллыыр күн дьэ ыкта,

Туойар күн дьэ туһаайда.

Сыралыма