2016-06-15

Москва куоракка Илин норуоттар ускуустубаларын  судаарыстыбаннай  музейигэр “Күнтэн көнтөстөөх дьон” быыстапка арыллыа

Просмотров: 494

IMG-20160307-WA0027

 

Бэс ыйын 24 күнүгэр Москва куоракка Илин норуоттар ускуустубаларын  судаарыстыбаннай  музейигэр “Күнтэн көнтөстөөх дьон” диэн быыстапка аһыллаары турар. Бу быыстапкаҕа саха норуотун уран тарбахтаах маастардара оһуордаан – мандардаан тикпит үлэлэрэ кыттыыны ылыахтара. Саха сириттэн Емельян Ярославскай аатынан музей үлэһиттэрэ, Өксөкүлээх Өлөксөй аатынан норуоттар доҕордоһууларын дьиэтин иһинэн үлэлиир “Симэх” норуот ускуустубатын Киинин үлэһиттэрэ Азияна Харлампьева, Ольга Гуляева уонна М.К.Аммосов аатынан ХИФУ Светлана Петрова салайааччылаах 18 улахан киһи уонна 12 оҕо кыттыыны ылыахтара.

 

Борисова Степанида - копия

 

“Симэх” норуот ускуустубатын киинин фондатыттан 29 экспонат барар: Борисова Степанида (Бүлүү), Местникова Розалия (Дьокуускай), Яна уонна Ия Чемпосовалар (Өлүөхүмэ) – сылгы симэҕэ, Петрова Евдокия салайааччылаах “Симэх” холбоһуга – былыргы ХӀХ үйэтинээҕи орон сабыыта, Васильева Зинаида (Уус-Алдан), Васильева Варвара (Уус-Алдан), Черноградский Семен (Хаҥалас) – туостан оҥоһуктар, Дьячковский Семен (Чурапчы) – үрүҥ көмүс киэргэллэр, Петрова Александра (Чурапчы) – сөрүө” — диэн Азияна Филипповна Харлампьева кэпсиир.

 

Черноградский Семен Степанович - копия

 

Быыстапка бэс ыйын 24 күнүттэн от ыйын 17 күнүгэр дылы үлэлиир. Бу күннэргэ Саха сирин норуотун маастардара Ольга Ивановна Гуляева уонна Азияна Филипповна Харлампьева таҥас кырадаһынынан кыбытан тигиигэ маастар-кылаас көрдөрүөхтэрэ.

 

IMG_5517 - копия IMG_5519 - копия

 

Маннык ааттаах быыстапкаҕа Сахабыт сирин маастардарын үлэлэрэ бастакы турааһына  буолар. Маастардарбытыгар ситиһиини баҕарыаххайыҥ!

Поделиться

Переход на предыдущую и следующую статью