2018-04-06

Ыччат оһуохайа

Просмотров: 169

 

Муус устар 6 күнүгэр Мэҥэ – Хаҥалас улууһун. Майа сэлиэнньэтигэр ыччатарга аналлаах Өрөспүүбүлүкэтээҕи оһуохайга күөн – күрэс буолла. Күөн – күрэс икки түһүмэҕинэн сүүмэрдэннэ. Иккис түһүмэххэ киирбит оһуохайдьыт бэриллибит тиэмэни  киирии тойуга суох уон мүнүүтэ тута хоһуйда. Дьүүллүүр сүбэ оһуохайдьыт түһүлгэни тутуутун, хоһуйуутун ис хоһоонун, уус – уран тылын – өһүн, куолаһын кэрэтин, дэгэтин, таҥаһын – сабын толорутун сыаналаата.

 

 

Күөн – күрэс ааптара 2017 с. Туймаада ыһыаҕын Кылаан Чыпчаал бирииһин Дархан этээччи буолбут Станислав Иванов. Станислав бэйэтэ Бүлүүттэн төрүттээх, билигин Мэҥэ – Хаҥалас улууһугар култуура управлениятын исписэлииһэ. Эдэр оһуохайдьыттар Амматтан, Тааттаттан, Бүлүүттэн, Үөһээ Бүлүүттэн,  Ньурбаттан, Орто – Халыматтан, Өлөөнтөн, Дьокуускайтан, Жатайтан, Мэҥэ – Хаҥаластан кытыннылар. Бу курдук, эдэр ыччаттарбыт оһуохайбытын эттэригэр – хааннарыгар иҥэринэн илдьэ сырыттахтарына саха омуга хаһан да охтон, быстан биэриэ суоҕа!

 

Сыралыма

Поделиться

Переход на предыдущую и следующую статью