Кулун тутар 26-28 күннэригэр Өксөкүлээх Өлөксөй аатынан норуоттар доҕордоһууларын Дьиэтин гостинай саалатыгар «Олоҥхо дойдутун оҕотобун» Республикатааҕы фестиваль ыытылла турар.

Тэрийээччилэринэн СР үөрэҕин министерствота, СР культуратын уонна духуобунай сайдыытын министерствота уонна Өксөкүлээх Өлөксөй аатынан норуоттар доҕордоһууларын Дьиэтэ буолаллар.

Кулун тутар 26-с күнүгэр бу фестиваль маҥнайгы түһүмэҕэ буолан ааста. Манна олоҥхону биирдиилээн уонна бөлөҕүнэн толорор дьоҕурдаах  оҕо уһуйаанын иитиллээччилэрэ кыттыыны ыллылар. Күн иккис аҥарыттан чинчийэр үлэҕэ холонор оскуола үөрэнээччилэрэ дакылааттарын көмүскээтилэр.

Дьыссаат оҕолорун күрэхтэригэр Өрөспүүбүлүкэбит араас муннугуттан элбэх оҕо кытынна. Манна дьүүллүүр сүбэ түмүктэри таһаарда.

Миэстэлэспит оҕолор:

• I миэстэ ‒ Дьяконова Надя, Амма, Бөтүҥ нэһ., «Мичээр» оҕо уһуйаана (сал. А.Д. Софронова);
• II миэстэ ‒ «Чуораанчык» бөлөх, «Кэрэчээнэ» оҕо уһуйаана, Хатас нэһилиэгэ (сал.В.Н.Старкова);
• III миэстэ ‒ «Чугдаанчык» фольклорнай бөлөх, Уус-Алдан улууһа, Бэйдиҥэ сэл.

Анал ааттар:

• «Дьоһун этээчилэр» – «Кэнчээри» оҕо уһуйаана, Чурапчы улууһа, Дириҥ сэл.;
• «Кэскиллээх бөлөх» − «Үнүгэсчээн» оҕо уһуйаана, Чурапчы улууһа, Сылаҥ нэһ.;
• «Олоҥхону олугунан билии» − «Мичийэ» оҕо уһуйаана, Бэйдиҥэ нэһ.;
• «Сэргэх толоруу» − «Кэнчээри» оҕо уһуйаана, Таатта улууһа, Уолба нэһ.;
• «Олохтоох тыллаах толорооччу» − «Кыымчаан» оҕо уһуйаан иитиллээччитэ Владик Афанасьев, Хаҥалас улууһа, Улахан Аан нэһилиэгэ;
• «Боччум сэһэн» − «Радуга» оҕо уһуйаана, Дьокуускай куорат;
• «Көрөөччү биһирэбилэ» − «Мичил» оҕо уһуйаана, Мэҥэ-Хаҥалас, Майя сэл..

Саха олоҥхотун сэҥээрээччилэрин бу күннэргэ «Олоҥхо дойдутун оҕотобун» фестиваль салҕыытыгар ыҥырабыт! Кыттааччыларга инникитин өссө да ситиһиилэри баҕарыаҕыҥ!